1. Bókaðu bás sem hentar þér

Þegar þú bókar bás færðu sendan aðgang inn á innri síðuna okkar, "Extraaloppan Mín". Þar skráir þú inn verðin á þeim fullorðinsvörum sem þú hyggst selja í Extraloppunni. Við komu í verslunina verða verðmiðar með strikamerkjum klárir til afhendingar. ATH. Ef óskað er eftir að selja stærri vörur eins og td. stól, borð eða annað húsgagn er möguleiki að koma þeim fyrir á stóra svæðið hjá okkur og kostar það 500 kr. fyrir hvern hlut og fer greiðsla fram við komu í verslun. Einnig er hægt að greiða fyrir tiltekt í básum við komu í verslun. Nánari upplýsingar má finna í skilmálum okkar.

 

2. Komdu vörunum þínum fyrir í básnum

Við komu í Extraloppuna verða þér útvegaðir verðmiðar og herðatré. Einnig eru þjófavarnir í boði og perlur í mismunandi litum sem settar eru á herðatrén til að stærðarmerkja, en það er að sjálfsögðu valkvætt. Við mælum einnig með að nota pappírsmerkimiða sem eru festir í fatnaðinn og með verðmiðann límdann á þar í stað þess að líma beint á flíkina, það eru 30 merkimiðar innifaldir í leiguverðinu. Þú kemur vörunum fyrir, og við mælum með að taka mynd af básnum til þess að deila á samfélagsmiðlum og auglýsa þannig básinn þinn.

 

3. Við sjáum alfarið um söluna

Við þjónustum viðskiptavini verslunarinnar og seljum vörurnar þínar fyrir þig. Þú getur ávallt fylgst með sölunni þinni frá degi til dags í gegnum "Extraloppan Mín", en við ráðleggjum þó að kíkja við á meðan á leigutíma stendur til að halda básnum snyrtilegum og/eða fylla á hann.

 

4. Við greiðum þér út söluhagnaðinn

Söluhagnaðurinn er greiddur út með millifærslu og því máttu gjarnan gefa okkur upp reikningsnúmer og kennitölu þegar þú óskar eftir greiðslu, hvort sem það er á miðju tímabili eða í lokin. Millifærslur eru framkvæmdar innan við 24 klst frá því greiðslu er óskað. Þóknun er 15% af heildarsölu.